Tuesday, November 13, 2012

වැරදුණ තැන...





අපි දෙන්නටම එක්ක
මම දැකපු හීන ගැන,
 මම ඇහුවේ නැහැ
නුඹේ මනාපය....

මම හිතුවේ
නුඹයි මමයි අපි දෙන්නා
දැන් එක්කෙනෙක් කියලයි....

නදිශ දිලුම් දිසානයක

Friendship & Love


Saturday, March 24, 2012

නමක් නැති කතාවක්...


මගේ වුණු කෙල්ල මට වඩා උඹට ආදරේ වුණු එකට මං කවදාවත් ඊරිසියා කළේ නෑ.මට දුක හිතුණා විතරයි.මොකද උඹට හීනෙන්වත් හිතන්න බැරි තරම් ආදරයක් මේ පපුව ඇතුළේ තවමත පණ ගැහෙනවා මල්ලි.

උඹ "මගෙ ඇස් දෙක"වගේ වුණු ඒ කෙල්ල සතුටින් පිරෙව්වා නම්, මං උඹට සමාව දෙනවා.අහිතක් නෑ මගේ එහෙනම්.

උඹ ආදරේ නැති, තැකීමක් නැති, මගෙ පණටත් වඩා මං ආදරේ,ඒ වුණත් මට වඩා උඹට ආදරේ කෙල්ලගෙ අහිංසක හිත උඹ රිද්දන එක, රිද්දුව එකට මගෙන් උඹට සමාවක් නැති බව ඇත්ත.මගෙ බොහොම සීමිත ඉවසීම් සීමා වපසරියෙන් ඔබ්බට උඹ ගිහින් දැන් ගොඩක් කල්...

උඹ දැන් දන්නවට වඩා, උඹේ ජීවිතේ උඹ ඉගෙන්න ගන්නට යෙදෙනවට වඩා ආදරේ කියන දේ බොහොමත් ම උතුම් නිසා විතරක් උඹට ඔය ඉන්න විදියට මම ඉන්න දීලා බලන් ඉන්නෙ මං කරන කිසි දෙයකින් මගේ වුණු ඒ කෙල්ලට සතුටක් නොලැබෙන නිසා විතරයි.මේ ලෝකෙ ඕනෑම තැනක හිස තියලා මං දිවුරන්නම්, නැත්නම් මං උඹලා දෙන්නව එක් කරනවා.

රිදන්න මගෙ ඇස් දෙක ළඟට ගත්තනම්,සනසන්න බැයි නම් චුත වෙයන් තව්තිසාවට බැයි නම් යම ලෝකෙට...කඳු දෙන්නැතුව පරිස්සම් කරපන්....මහ ගොඩක් හයිය මගෙ කෙල්ල, ආදරේ වෙනුවෙන්වත් වෙන කිසිම දෙයක් වෙනුවෙන්වත් සුසුමක් හෙළනවට මං වයිරයි...

ගැහැණිය සහ කාන්තා දිනය



ඇය සෞම්‍යයි, සන්සුන්, ශක්තිමත්...
මහ ගොඩක් සෙනෙහෙබර ඇය කාරුණිකයි...
මුළු ලොවම වඩාත් සුන්දර කළ ඇය ගැහැණියක්...

වසන්තයක හිරු එළියත්
මහා කඳු පෙළක හැංඟුණු ශක්තියත්
ලිහිණියකගේ ලාලිත්‍යයත්
එක්ව කැටි කොට බිහි වුණු
ස්ත්‍රීත්වය නම් පුදුමාකාර “ආශිර්වාදයෙන්” පිඳුම් ලත්
නුඹේ සහ මගේ
දයාබර අම්මාට, සොයුරියට, සෙනෙහෙබර බිරිඳට
මේ දිනය විතරක් නෙමෙයි
ජීවිතේ ගත වුණු,
ගත වෙන්නට තිබෙන සෑම දිනෙකම
ආදරය සහ ගෞරවය නොඅඩුව තිබෙන බව
කියන්නට විතරයි මේ වෑයම...

සිහින මියගිය දා

ඉර හද තාරුකා පවා
දුක් වෙමින් විමසන
රිදවමින් ඉකිලන
විඳවමින් පිච්චෙන
අසම්මත මහ විසල් පෙම ගැන
වගක් නැතිවද ළඳුනි සුන්දර....

මගෙ සිහින මළගම් යන දිනෙක
ගැහෙන්නට හදවතට තව වාරුවක් නැත
රැයේ එළිවෙන ජාමයක මියයන
මා බලන්නට එනු මැනවි රන් කඳ...

නුඹ මගෙන් දුර ගිය දා
ඔහුට නුඹ හිමි වෙනදා
මා බලන්නට එනු මැන

Sunday, January 29, 2012

තෝරා ගැනීම අයිතියක්


තෝරා ගැනීම අයිතියක්
අන් සියල්ලටම ඉහළින්
මා තෝරා ගත්තේ නුඹයි...
එනයින් නුඹ මා තෝරා ගත යුතුම යැයි කියා
නියමක් නැත..
නුඹේ තේරීම කවරක් වුවත්
මා එයට ගෞරවයයි....

නුඹ අමතක කරන්නට මා උත්සහා කල බව
සැබෑවක්...
එය යළි යළිත් අසාර්ථක වීම වෙනත් කරුණක්
මහ ගොඩක් කාලෙකට පෙර
මා නෙතු ගැටුණු
පුංචි ලස්සන දඟකාර මුරණ්ඩු කෙල්ලට
මං තවම ආදරේ බව මම දන්නවා...

මා සමඟ හෝ මා තොරව හෝ
නුඹ සතුටින් සිටීම
මා ප්රීටතිය වන බව,
නුඹ දන්න වග මම දන්නවා...

මට කියන්නට අවැසි මෙපමණයි,
නුඹ බොහොමත්ම සීරුවට ආදරෙන්
සිත් නොරිදන්න වෙහෙසනා
නුඹේ ජීවිතේ දයාබර වූවන්ගේ මෙන්ම
මගේ සිතුවිලි,
මගේ සිතත්
වේදනාවාට පත් වෙන බව...

සියළු සෑම දෙනා සනසන්න බැරි බව ඇත්තක් වුණත්
කරුණාකර තෙරුම් ගන්න,
නුඹ ඔවුන් සනසන්න වෙහෙසනා මොහොතක
නුඹට ආදරය කළ මගේ සිත
දෑවී අළුවෙමින් පවතිනා බව...

පරිස්සමින් සතුටින් ඉන්න
සිහින සැබෑ වුණත් නොවුණත්
සිහිනයක මිහිරියාව සදාතනිකයි....
ඇසෙන නොඇසෙන මානයක
පෙනෙන නොපෙනෙන දුරක
මම ඉන්නවා...
පමා වැඩි නැහැ...

වෙන්ව යන්නෙමි...


සුදු දෑත අරගෙන
ආදරෙන් සිපගෙන
ආදරෙයි කියලා
ඉන්න මට නැහැ නුඹේ ළඟ
ලෝකයක් අප දෙපසකට කරලා...

පුංචි නිල් නෙතු දුටුව දිනකදි
මහ ගොඩක් පෙම් බැන්දා
මහ ගොඩක් කල මහ ගොඩක් පෙම් කර
යන්න යන්නෙමි "ඔහුට" නුඹ දීලා...

පෙරුම් පුරලා, මඟ බලා හිඳ
අතර මඟ හමුවීලා
දෑත අරගෙන ආදරෙන් මිරිකා
යන්න යන්නෙමි
කඳුළු බිඳු හංඟා...

Saturday, January 28, 2012

මහ ගොඩක් මට ලෝබයි!!!



කරුණාරත්න දිවුල්ගනේ මහතා ගයන මේ ගීතයට මං මහ ගොඩක් ලෝබයි.

"නෙතට උළෙලක් විය එදා ඔබ, කඳුළු බිඳුවක් වුව මෙදා, ඇයි මේ තරම් සිත පාරවන්නේ, මගෙන් වරදක් වුණිද මන්දා...

( නුඹ දැකීම තරම් සතුටක් එදා මෙදා තුරා මා වෙත නොවුණි.ඒ සතුට ලද මේ නෙතු දැන් නුඹව සිහිවෙන වාරයක් පාසා අහිමිවීමක් ගැන කඳුළු සලනවා)

ඔබෙන් තොර වුණු ලෝකයක් ගැන, සිතන්නටවත් නොහැකි හන්දා, ඔබේ සිත වෙන අතක රන්දා, එපා දුක ගෙන එන්න කැන්දා...

(එදා මෙදා තුර ගත වුණු සියක් දින වල නුඹ තමයි මගේ පණ නල.නුඹේ සිත අනෙකු ළඟ නවතා මගේ සිහිය සහ හුස්ම මට අහිමි කරන්න එපා)

නුඹේ රුව රසඳුනක් වූ මතු, කමක් නැහැ මට තවත් ඇසකට, නමුදු ඒ රුව තවත් කෙනෙකුට අයිති වෙනු බෑ, දරා ගන්නට..."

(එදා මෙදා තුර මා දුටු සොඳුරුතම රුව නුඹයි.සොඳුරුතම දසුන නුඹෙ සිනහවයි.නුඹ මගේ වුණු කලෙක සියක් තරුණයන් නුඹ දෙස බලනු දැක මා සිත සතුටින් ඉතිරුණා.ඇය මගේ යුවතිය.ඇය මගේ කෙල්ලයි... මා ආඩම්බරෙන් ඉතිරුණා...දැන් නුඹ මා දෙදෙනෙක්....මගේ වුණු නුඹ, වෙනත් කෙනෙකු හට හිමි වෙනු නම්, මට දරා ගන්නට බෑ... )

Left and Rght


Nothing’s left.
So nothing’s right.
Finally it is all about left and right.

Friday, January 27, 2012

ළඟ වුන්නා නම්...


ළඟ වුන්නා නම්...

මං ආදරෙන් බලා ගන්නවා එහෙනම්.තනියට ළඟ ඉඳන් ඔයාට අහන් ඉන්න දේවල් මං ඔහේ කියවන්නම්.අසනීපයෙන් ඔයා වැතිරගෙන ඉන්න ඇඳ අයිනට වෙලා වාඩිවෙලා ඔයාගෙ ඇස් සනීපයට පියවෙනකම් මං දන්නවා මං ඔයාගේ හිස අතගාවී.

වේදනාවට නෙතුවලින් පනින්නට හදන කඳුළු බිංඳුවක් දෙකක් එළියට එන්නටත් කළින්ම මං පිහිදලා දාවී.මං වයිරයි ඔය කඳුළු වලට...මං වයිරයි ඔය කඳුළු වලට...

දන්නවද, ඒ වුණත් මං පව්කාරයි.කඳුළු පුරොගෙන ඔෆීසියෙ වැඩ මොහොතකට නවත්තලා මේ සටහන ලියන්න හිතුවේ ඒකයි...මේ කඳුළු බින්ඳු මං දන්නවා මං තරම් අසරණයි.කඳුළු හුරු නැති මගෙ ඇස් අද හරිම දඟකාරයි, මුරණ්ඩුයි...

දිව්යඩය ලෝකයක් තරම් ලස්සනට නුඹේ ජීවිතය හැඩ වැඩ කරන්නට මතක ඇති කාලයක ඉඳගෙන හීන මවපු මට, නුඹට මේ මොහොතේ බත් කටක් අනලා කවන්නට බැරි එක ගැන මං මටම වයිරයි.

අම්මා ආදරෙන් ඔතලා දුන්නු බත් පත කාටත් හොරෙන්ම කුණු බක්කියට දාලා "කෑවද මචං?" කියලා ළන්නග වුන්නු සඟයා හැමදාම පුරුද්දට අහන පැනයට "ඔව් බං" කියලා සරලව උත්තර දුන්නේ නුඹ කෑමක් කටක් නොමැතිව ඉන්න මොහොතේ වතුර උගුරක් බොන්න තරමටවත් මගේ හිත නොනැමුණු හින්දයි.දන්නවද, හවස බොන්න ගත්ත තේ උගුරෙ රස දැනුනු මොහොතෙම මට හීල්ලිලා ගියා.සමහරවිට මං කල්පනා කරනවා වැඩි ඇති.මට කමක් නෑ,මට වැදගත් එකම දෙය නුඹ ඉක්මනින් සුව වෙනවා දකින එක විතරයි.

නුඹ ඔහේ,මම මෙහේ...මම දන්නවා නුඹ පරිස්සම්...ඒත් ඒ දෙය නෙතින් දැක හිතින් සැනසෙනාතුරු මගෙ හිතට නිවනක් නෑ....

නුඹට තෙරුවන් සරණයි...දෙවියන්ගෙ පිහිටයි..

............


සිහින බිඳුණා
සිහින බිඳුණා
සිහින බිඳුණා
සිහින බිඳුණා.....................................................................................................................................................................................................................................................................................මගෙ සිහින බිඳුණා......................................................................................................................................................................................

නුඹ සිහි නොවුණු බව....


අද දුම්රියේ මා ඉදිරිපස අසුනේ
එක තරුණ යුවළක්
හිනා වී අත් අල්ලගෙන
හරි සුන්දරම දසුනක්...
මට නුඹ සිහි නොවුණු බව කිව්වොතින් නම්
එය අමූලික බොරුවක්....

වට පිට ගැන කුමට කරදර
උන්ගෙ ලෝකයෙ තනි වෙලා ඉඳගෙන
මුමුණමින් රහසක් දෙකක් ඉඳහිට
හිනාවෙයි උන්...
මට ලොබ දැණුනෙ නැති බව කිව්වොතින් නම්
එය අමූලික බොරුවක්....

විභාගය


විභාගය දැන් ළඟයි.
අද නම් පාඩම් කරනවා.
ඔෆිස් ගිහින් ආව විතරයි.
වොෂ් එකක් දාගෙන පාඩමට බහිනවා.

පට්ටම පට්ට බඬගිනී බත් කාලම ඉන්නවා.
බත් කන ගමන් අපරාදෙ හින්ද,
නිකමට වගෙ ෆිල්ම් එකකුත් බලනවා.
ෆිල්ම් එක පට්ට,
අම්මට හුඩු මගෙ ස්ටොරි එකමයි.
මේක බලලම, පාඩමට බහිනවා
විභාගය අත ළඟනෙ.

හිතුවට වැඩිය රෑ වුණා.
සෙල්ලම් කෙරුමක් ද,
උදේ ඉඳගෙනම වැඩමයිනෙ.
ඔන්න ඔහෙ උදේ ඇහැරිලා,
ඇත්තමයි පාඩම් කරනවා.
උදේ නම් හරි හීතලයි,
ඇහැරෙන්න නම් ලෝභයි.
මොනව දුන්නත් දැන්න නම් නැඟිටින්න බෑ,
තව ටිකක් නිදා ගන්නවා.

අප්පා ඊයේ දවසම ඉවරයි.
අද නම් ගෙදර ආව ගම්න් ම,
පාඩමට භිනවා.

Sunday, January 1, 2012

මගෙ පෙම්වතිය!!!


පපු කැනැත්තේ භාෂාව
නොතේරෙන මගෙ පෙම්වතිය
මගෙ සුසුම් නොතේරෙන
මා පෙම් කරන යෞවනිය...